ក្រុមហ៊ុន PNT CO.LTDកំពុងប្រព្រឹត្តឧក្រឹដ្ឋកម្មព្រៃឈើ នៅតំបន់ស្នូលព្រៃឡង់ ក្នងស្រុករវៀង ខេត្តព្រះវិហារយ៉ាងរង្គាល អាជ្ញាធរតាំងពីថ្នាក់ក្រោមដល់ថ្នាក់ជាតិ ស្ងាត់ឈឹងមិនប្រក្រតី?

ពលរដ្ឋ មានទីលំនៅជិតសាលាស្រុករវៀង ខេត្តព្រះវិហ៊ារ  និយាយថា៖ក្រុមហ៊ុនឧក្រឹដ្ឋជនបំផ្លាញព្រៃឈើ កំពុង កាប់ព្រៃឈើដ៏សែនវិនាសកម្មឡើងវិញហើយ។សកម្មភាពឧក្រឹដ្ឋកម្មព្រៃឈើ  ដោយក្រុមហ៊ុនយីហោ PNT CO.LTDម្ចាស់ឈ្មោះ(មាស រឹទ្ធី)។ក្រុមហ៊ុនចោរបំផ្លាញមួយនេះកំពុងធ្វើសកម្មភាពសស្រាក់សស្រាំយ៉ាងក្នុងទឹកដីស្រុករវៀង ខេត្តព្រះវិហ៊ារ។ប្រភពអោយដឹងថា៖កាលពីដើមខែមករា ឆ្នាំ២០២២មក ក្រុមឧក្រឹដ្ឋជនព្រៃឈើ  ចាប់ផ្តើមធ្វើសកម្មភាពយកសំបកឈ្មោះក្រុមហ៊ុនព្រៃសម្បទានPNTCO.LTD កាបឈើអស់ហើយ  សល់តែដី  មកប្រើជាឡប់ឡែ  ធ្វើសកម្មភាពឧក្រឹដ្ឋកម្មរកសុីឈើបន្ត ជាបំណងម្ចាស់ក្រុមហ៊ុនចោរបំផ្លាញព្រៃឈើខ្មែរ។មេក្រុមហ៊ុនចោរPNT.CO LTDដាក់ផែនការលួចកាប់ និងប្រមូលទិញឈើ ពីចំណុចស្នូលក្នុងដែនសត្វព្រៃព្រៃឡង់ ។ពួកគេប្រើប្រាស់សេនារិយោបិទព័ត៊មាន ខ្ទប់មាត់អ្នកមានអំណាចមានសមត្ថកិច្ចតាំងពីថ្នាក់ក្រោមដល់កំពូលៗ ។មន្ត្រីគ្រាប់ល្ពៅស្ងោខ្លះ សំអាងតំណែងនិងតួនាទី អំណាចការពារទង្វើចោរទៅវិញ ពួនរួមប្រយោជន៍ជាមួយឧក្រឹដ្ឋជនព្រៃឈើ នាំគ្នាធ្វើមិនឃើញ  បាំងដៃមើល ពួនការពារឧក្រឹដ្ឋជនព្រៃឈើដោយសម្ងាត់ បិទបាំងបទឧក្រឹដ្ឋកម្មឈើ ពីភ្នែកថ្នាក់ដឹកនាំកំពូលៗ។                                                             មន្ត្រីអង្គការក្រៅរដ្ឋាភិបាលមួយរូបអោយដឹងថា៖ បច្ចុប្បន្នក្រុមហ៊ុន PNT CO.LTDដែលគ្រប់គ្រងដោយលោក មាស រិទ្ធី កំពុងប្រើគ្រប់វិធីកាប់ឈើពីក្នុងតំបន់ស្នូលព្រៃឡង់យ៉ាងគគ្លើនស្រេចតែក្បាលចិត្ត រួចដឹកចូលក្រុមហ៊ុនខ្លួនបន្លំជាឈើស្របច្បាប់។ក្រុមហ៊ុនPNTនេះបានប្រើប្រាស់មនុស្សរបស់ខ្លួន អោយកាន់ម៉ាសុីនត្រង់សឺន័រចូលកាត់ឈើជ្រៀកឈើពីក្នុងព្រៃឡង់ផ្ទាល់និងខ្ចីដៃពលរដ្ឋក្រីក្រខ្វះខាតអោយកាន់ម៉ាសុីនត្រង់សឺន័រចូលទៅកាត់ឈើហើយច្រៀកឈើពីក្នុង(តំបន់ស្នូលព្រៃឡង់)និងបំផុសអោយចូលកាប់អារជ្រៀកឈើដោយមធ្យោបាយខ្លួនឯង រួចយកមកលក់អោយក្រុមហ៊ុនផ្ទាល់ ឬលក់អោយខ្លួននៅក្នុងព្រៃ ទើបក្រុមហ៊ុនដឹកចេញពីព្រៃចូលទីតាំងក្រុមហ៊ុនដោយខ្លួនឯង។ប្រភពបញ្ជាក់ថា  ចំណុចរងវិនាសកម្មខ្លាំងគឺនៅចំណុច បឹងរាំង ជ្រាប់  ស្រែតាងន់ ព្រៃស្រឡៅ ភ្នំចោញ ភូមិចាស់ ប្រាសាទថ្គោល អូរអណ្តែកនិង ក្បាលដំរី ។ ដោយឡែកក្រុមហ៊ុនPNTបាន ប្រើរថយន្តរ៉េវខ្នាតGMGជាច្រើនគ្រឿង និងប្រើប្រាស់គោយន្ត កន្ត្រៃរាប់សិបគ្រឿង ដើម្បីស្ទូចឈើហ៊ុបមូលដឹកចេញពីព្រៃឡង់ រាល់ថ្ងៃ ដឹកចូលមកក្នុងក្រុមហ៊ុនយ៉ាងងងើល ។

      ប្រជាសហគមន៍ការពារព្រៃឡង់មួយរូបនិយាយថា ក្រុមហ៊ុនចោរលួចចូលកាប់ឈើក្នុងតំបន់ស្នូលព្រៃឡង់ គគ្រឹកគគ្រេង រញ្ជួយធរណីប៉ុណ្ណឹងទៅហើយបែរជា លោកចៅហ្វាយខេត្តព្រះវិហារ ប្រធានមន្ទីរកសិកម្មខេត្ត ប្រធានមន្ទីរបរិស្ថានខេត្ត រដ្ឋបាលព្រៃឈើខេត្តព្រះវិហារ សម្ងំអោយឈឹងដូចកំពុងដេកលក់ ឬដូចជាមនុស្សស្លាប់ស្ទើរហើមប៉ោងអញ្ចឹង? ។គេមើលឃើញឥរិយាបទលោកចៅហ្វាយខេត្ត និងជំនាញក្នុងខេត្ត មិនខុសពីឆ្មារកំសាកខ្លាចកណ្តុរក្នុងរឿងជីវចលឆ្មារកណ្តុរអញ្ចឹង ពលរដ្ឋលើកឡើងថា  មេក្រុមហ៊ុនចោរ ប្រើសេនារិយោជះដុល្លារវ៉ៃផ្តួលគោលជំហ៊រមន្ត្រូីអស់ទៅ តើមែនទេ?។

     តើលោកនាយឧត្តមសេនីយ៍សៅសុខា ប្រធានគណកម្មការបង្ក្រាបនិងទប់ស្កាត់បទល្មើសព្រៃឈើទូទាំងប្រទេស បានជ្រាបអំពីសកម្មភាពក្រុមហ៊ុន PNT CO.LTD ដែលពលរដ្ឋនៅក្នុងស្រុករវៀង ស្រែកថាជាក្រុមហ៊ុនចោរលួចកាប់ឈើអនាធិបេតយ្យពីក្នុងតំបន់ស្នូលព្រៃឡង់នោះហើយឬនៅ?តើគួរតែមានវិធានការណ៍ទប់ស្កាត់ ឬគួរសម្ងំកូនឈឹង! អាវ៉ាកូនឈឹងតទៅ?៕