សមត្ថកិច្ចជំនាញមន្ទីរប្រឆាំគ្រឿងញៀនបង្ក្រាបករណីកែច្នៃផលិតគ្រឿងញៀនថែមទៀតចាប់ខ្លួនជនជាតិចិន១១នាក់ រឹបអូសសារធាតុញៀនជាង ១,៨០តោននិងសារធាតុគីមីជាង២៧៦តោន

សមត្ថកិច្ចជំនាញនៃមន្ទីរប្រឆាំងគ្រឿងញៀន បើកប្រតិបត្តិការបង្ក្រាបករណីកែច្នៃផលិតគ្រឿងញៀន ចាប់ខ្លួនជនជាតិចិន ១១នាក់ បានរឹបអូសសារធាតុញៀនជាង ១,៨០តោន និងសារធាតុគីមី ជាង ២៧៦តោននៅក្នុងភូមិសាស្ត្ររាជធានីភ្នំពេញ ខេត្តស្វាយរៀង ព្រៃវែង និងខេត្កកណ្តាលដោយអនុវត្តតាមបទបញ្ជា ពីឯកឧត្តមនាយឧត្ដមសេនិយ៍សន្តិបណ្ឌិតនេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន កាលពីថ្ងៃទី ០៤ដល់០៩ ខែកក្កដា ឆ្នាំ២០២២កន្លងទៅនេះ។

 ប្រភពពីមន្ត្រីជំនាញនៃមន្ទីរគ្រឿងញៀនអោយដឹងថា៖ សមត្ថកិច្ចជំនាញនៃមន្ទីរប្រឆាំងគ្រឿងញៀននៃការិយាល័យទី១(ក១)ដឹកនាំដោយ-លោកឧត្តមសេនីយ៍ទោ អ៊ិន សុង -លោក វរសេនីយ៍ឯក តោ ដារិទ្ធ.-លោក វរសេនីយ៍ឯក ម៉ាក់ សេរីវឌ្ឍនា.-លោក វរសេនីយ៍ទោ ថៃ រិទ្ធីរក្ស នាយករងមន្ទីរ និង-លោក វរសេនីយ៍ទោ ហុង វណ្ណារិទ្ធ នាយការិយាល័យ(ក១) បានសហការជាមួយកម្លាំងជំនាញគយប្រចាំការនៅកំពង់អន្តរជាតិភ្នំពេញ -ស្នងការដ្ឋាននគរបាលរាជធានីភ្នំពេញស្នងការខេត្តស្វាយរៀង ស្នងការខេត្តព្រៃវែង និងស្នងការនគរបាលខេត្តកណ្តាលនិងដោយមានការ សម្របសម្រួលដោយ -លោក សឿ ឡងឌី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ -លោក ហោ លីណា ព្រះរាជអាជ្ញារងនៃអយ្យការអមសាលាដំបូងខេត្តកណ្តាល

.-លោក ដូរ៉ា អង្គប្រទាន ព្រះរាជអាជ្ញារងនៃអយ្យការអមសាលាដំដូងខេត្តស្វាយ

រៀង និង-លោក ចាន់ វណ្ណ: ព្រះរាជអាជ្ញារង នៃអយ្យការអមសាលាដំបូងខេត្តព្រៃវែងផងដែរ ។

 ប្រភពបញ្ជាក់ថា៖សមត្ថកិច្ចជំនាញបានបើកការស៊ើបអង្កេតអស់រយៈពេលជាង៣ខែមកហើយ លុះដល់ថ្ងៃទី០៤ខែកក្កដា ឆ្នាំ២០២២ ទើបបើកកិច្ចប្រតិបត្តិការបង្ក្រាបក្រុមឧក្រិដ្ឋជន កែច្នៃផលិតដោយខុសច្បាប់នូវសារធាតុញៀន និងរក្សាទុកដោយខុសច្បាប់នូវសារធាតុគីមីផ្សំ ចំនួន ១២គោលដៅផ្សេងៗគ្នាជាបន្តបន្ទាប់តែម្តងដែលមាន -នៅរាជធានីភ្នំពេញ ០៧គោលដៅ -នៅខេត្តស្វាយរៀង០២គោលដៅ-នៅខេត្តព្រៃវែង០១គោលដៅ-ខេត្តកណ្តាល០២គោលដៅ ក្នុងនោះមាន ទីតាំងកែច្នៃផលិត១ទីតាំង និង ទីតាំងស្តុកទុកចំនួន៦ទីតាំង រួមមាន:

-ទីតាំងទី១: នៅចំណុច ផ្លូវលំ ភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ(ឃ្លាំងស្តុកសារធាតុគីមី)។

-ទីតាំងទី២: នៅភូមិមនោរម្យ ឃុំបែកចាន ស្រុកអង្គស្នួល ខេត្តកណ្តាល(ឃ្លាំងស្តុកសារធាតុគីមី)។

-ទីតាំងទី៣: នៅចំណុច ភូមិធ្មល់ សង្កាត់ចេក ក្រុងស្វាយរៀង ខេត្តស្វាយរៀង(ឃ្លាំងស្តុករសាធាតុញៀនកេតាមីន)។

-ទីតាំងទី៤: នៅចំណុច ភូមិចុងព្រែក សង្កាត់ស្វាយរៀង ក្រុងស្វាយរៀង(រោងចក្រកែច្នៃ ផលិត កេតាមីន)។

-ទីតាំងទី៥: នៅចំណុច ផ្លូវក្លោងទ្វារវត្តដឹកដា ស្ថិតក្នុងភូមិស្ទឹងស្លោត ឃុំអ្នកលឿង ស្រុកពាមរក៍ ខេត្តព្រៃវែង(ឃ្លាំងស្តុកសារធាតុគីមី)។

-ទីតាំងទី៦: នៅចំណុច ផ្លូវបេតុង  ស្ថិតក្នុងភូមិកំបូល សង្កាត់កំបូល រាជធានីភ្នំពេញ(ឃ្លាំងស្តុកសារធាតុគីមី)។

-ទីតាំងទី៧: នៅចំណុច កំពង់ផែស្ងួតរាជធានីភ្នំពេញ ស្ថិតក្នុងភូមិកណ្តាលលើ ឃុំបន្ទាយដែក ស្រុកគៀនស្វាយ ខេត្ត

កណ្តាល(កុងទឺន័រ ផ្ទុកសារធាតុគីមី)

លទ្ធផលមាន ៖

ក- ឃាត់ខ្លួនជនសង្ស័យ១១នាក់ :  

១-ឈ្មោះ WU YI LIN  ភេទប្រុស អាយុ ២៤ឆ្នាំ ជនជាតិ ចិន តៃវ៉ាន់។

២-ឈ្មោះ JI ZHONG JUN ភេទប្រុស អាយុ ៤១ឆ្នាំ ជនជាតិ ចិន។

៣-ឈ្មោះ WANG CHUAN QIAO ភេទប្រុស អាយុ ៣៨ឆ្នាំ ជនជាតិ ចិន។

៤-ឈ្មោះ LI BIN YANG  ភេទប្រុស អាយុ ៤២ឆ្នាំ ជនជាតិ ចិន។

៥-ឈ្មោះ CAI FENG FENG  ភេទប្រុស អាយុ៣៥ឆ្នាំ ជនជាតិ ចិន

៦-ឈ្មោះ WANG PING ភេទប្រុស អាយុ ៦១ឆ្នាំ ជនជាតិ ចិន។ 

៧-ឈ្មោះ WANG XUN HUI ភេទប្រុស អាយុ ៤៥ឆ្នាំ ជនជាតិ ចិន

៨-ឈ្មោះ CAI LIANG ភេទប្រុស អាយុ ៤៩ឆ្នាំ ជនជាតិ ចិន។

៩-ឈ្មោះ XU JIAN ភេទប្រុស អាយុ ៤៧ឆ្នាំ ជនជាតិ ចិន។

១០-ឈ្មោះ LUO GUANG HUI ភេទប្រុស អាយុ៣៩ឆ្នាំ ជនជាតិ ចិន

១១-ឈ្មោះ LI WEN SHUO ភេទប្រុស អាយុ ៤២ឆ្នាំ ជនជាតិ ចិន។

ខ- ចាប់យកវត្ថុតាង : 

– ល្បាយសារធាតុញៀនកេតាមីន ចំនួន ១តោន ៨២៧ គ.ក្រ ៩៥២ ក្រាម។

– សារធាតុគីមី និងគីមីផ្សំចំនួន ២៧៦តោន ៧៤៩ គ.ក្រ។

– ឧបករណ៍ សម្ភារ: គ្រឿងបន្លាស់សម្រាប់ កែច្នៃ ផលិត គ្រឿងញៀនមួយចំនួនធំ។

– កេតាមីន ទម្ងន់សុទ្ធ២១៨.៦២ក្រាម។

– រថយន្ត ០៨គ្រឿង

– ម៉ូតូ ០៣គ្រឿង

– ទូរស័ព្ទដៃ ១៩គ្រឿង
– អចលនទ្រព្យ ចំនួន ០៧កន្លែង (ខុនដូរ០២, ឃ្លាំង០៤ , រោងចក្រផលិត ០១, ផ្ទះវីឡា០១)។

 បច្ចុប្បន្ន ជនសង្ស័យ និងវត្ថុតាងខាងលើបានកសាងសំណុំរឿង បញ្ជូនទៅសាលាដំបូងរាជធានីភ្នំពេញ តាមនីតិវិធី ៕